Aontaithe chun ár leasa: Mo Chonair Eorpach

Is é seo dírbheathaisnéis Hans-Gert Pöttering, iar-uachtarán Pharlaimint na hEorpa, agus tionscnóir thionscadal Áras Stair na hEorpa, a foilsíodh den chéad uair i mBéarla. Scéal pearsanta agus scéal is ea é ar thuras na hEorpa amach as anord agus fuath an Dara Cogadh Domhanda agus ar an deighilt iarchogaidh idir an tOirthear agus an tIarthar.

Ar fáil i ngach formáid agus teanga

Bhí Hans-Gert Pöttering ina Fheisire Gearmánach Críostaí Daonlathach de Pharlaimint na hEorpa ó 1979-2014, agus bhí sé i gceannas ar an ngrúpa lárnach de dheis PPE-ED ó 1999-2007 agus bhí sé ina uachtarán ar an bParlaimint in 2007-2009. Ní raibh aithne ag an údar riamh ar a athair, a maraíodh sna céimeanna deireanacha den Dara Cogadh Domhanda agus, de réir mar a scríobhann sé, ‘ba é bás m’athar a spreag mo shaol Eorpach’. Ba é Konrad Adenauer, an chéad seansailéir ag Poblacht Chónaidhme nua na Gearmáine agus duine de ‘bhunaitheoirí’ an eintitis arb é an tAontas Eorpach anois é, an tionchar polaitiúil ba mhó a bhí aige sna blianta múnlaitheacha: ‘chuir an coincheap nua seo de thodhchaí na hEorpa faoi gheasa mé go luath i mo shaol’. Is ceannaire a bhfuil an-tóir air agus diongbháilte i bParlaimint na hEorpa é an t-údar agus is cosantóir daingean é ar na hinstitiúidí a cruthaíodh chun ‘modh an Chomhphobail’ a chur in iúl — mar a scríobhann sé, ag lua Jean Monnet, ‘ní féidir aon ní a dhéanamh gan fir, ach níl aon rud buan gan institiúidí’. An tráth seo nuair atá an baol ann go ndéanfaí an Eoraip a ilroinnt, is meabhrú tráthúil é Aontaithe chun ár Leasa ar gach a bhfuil bainte amach agus ar na contúirtí a bhaineann le dearmad a dhéanamh ar ár stair choiteann. Tagann teideal an leabhair ó fhocail Dhearbhú Bheirlín an 25 Márta 2007: ‘Táimíd, saoránaigh an Aontais Eorpaigh, aontaithe chun ár leasa’.