Wirja permanenti

Aħna u niggwidawk matul il-wirja prinċipali, se tinnota li m'aħniex ngħidulek l-istorja ta' kull nazzjon tal-Ewropa. Minflok, nixtiquk tesplora kif l-istorja sawret sens ta' memorja Ewropea u għadha qed tinfluwenza l-ħajja tagħna llum u fil-ġejjieni. Bħalma huwa l-każ fil-ħajja tagħna, xi affarijiet nixtiequ niftakruhom, filwaqt li ħwejjeġ oħra nixtiequ ninsewhom. U sintendi, l-istess avveniment jista' jiġi interpretat minn perspettivi differenti. Il-kontenut muri fuq is-sit web tagħna huwa għażla ċkejkna ta' materjal mislut mill-wirja permanenti.

It-tiswir tal-Ewropa

Jeżisti passat Ewropew kondiviż? X'jgħaqqad il-kontinent flimkien? Il-vjaġġ tiegħek jibda hawn!

L-Ewropa: potenza globali

Is-sejħa għad-demokrazija u s-sovranità nazzjonali, l-espansjoni tal-industrijalizzazzjoni u l-imperjaliżmu, ilkoll jibdlu radikalment il-perkors tal-Ewropa. L-Ewropa tilħaq il-quċċata tal-poter tagħha fid-dinja.

L-Ewropa: ħerba sħIħa

L-atroċità estrema u d-disprezz għall-umanità jsiru evidenti fix-xenarji differenti ta' gwerer kbar u terrur totalitarju li kkaratterizzaw l-ewwel nofs tas-seklu 20.

Il-bini mill-ġdid ta' kontinent maqsum

Mill-irmied tal-gwerra jissawwar xenarju politiku ġdid, separat minn Purtiera tal-Ħadid. L-idea tal-integrazzjoni Ewropea titqiegħed fil-prattika, iżda se tirnexxi?

Jitfarrku ċ-ċertezzi

L-ekonomiji b'saħħithom ta' wara l-gwerra jibdew jitriegħdu. Ir-reġimi komunisti jħabbtu wiċċhom ma' problemi sistemiċi u nuqqas ta' leġittimità soċjopolitika. Il-globalizzazzjoni u tmiem il-Gwerra l-Bierda jħaffu l-pass tal-integrazzjoni Ewropea.

L-Ewropa llum

X'inhu t-twemmin li naqsmu flimkien u li jgħaqqadna irrispettivament mid-differenzi politiċi, reliġjużi, kulturali u soċjali ta' bejnietna? X'se jgħidu l-kotba tal-istorja dwar il-preżent tagħna?