Żjara waqt l-ikla ta’ nofsinhar — In-nisa fl-Istorja Ewropea

17 ta’ Marzu — in-nisa fl-Istorja Ewropea

F’Marzu niċċelebraw il-Jum Internazzjonali tad-Drittijiet tan-Nisa, u allura dan huwa l-mument perfett biex niskopru wħud min-nisa straordinarji rrappreżentati f’Dar l-Istorja Ewropea. Idħol fil-kollezzjoni, iltaqa’ mal-oġġetti marbuta ma’ ħajjithom, u tgħallem aktar dwar l-impatt tagħhom fuq il-passat tal-Ewropa.

Informazzjoni prattika

Kull żjara hija ffaċilitata minn membru tat-tim tal-mużew tagħna, li joffri l-interpretazzjoni personali tiegħu tat-tema u perspettiva ġdida dwar il-kollezzjoni. Dawn iż-żjarat, minflok jieħdu xejra ta’ lekċers eżawrjenti, jiffukaw fuq oġġetti magħżula u għandhom l-għan li jqajmu l-kurżità, sens ta’ riflessjoni u jqanqlu konverżazzjoni dwar l-Istorja Ewropea. 

Iż-żjarat huma bla ħlas u jsiru mit-12: 15 sat-13: 00 bl-Ingliż. Iltaqa’ mal-gwida fil-Family Kiosk fil-Kamra tal-Fables. M’hemmx għalfejn tibbukkja.

Jekk jogħġbok kun af li biex tidħol fil-mużew, trid tgħaddi minn kontrolli tas-sigurtà li jieħdu xi ftit tal-ħin — nagħtuk parir tippjana għal dan minn qabel.