Turas Fíorúil
Déan fiosrú ar bhuantaispeántas an mhúsaeim agus faigh blaiseadh de stair na hEorpa am ar bith, áit ar bith, leis an timpeallacht idirghníomhach saor in aisce seo, atá ar fáil i 24 theanga AE.
Réamhrá
Cad ba chúis leis an gCéad Chogadh Domhanda? Cad a tharla sa Chogadh Fuar? Cé a bhí páirteach ‘i ndíospóireacht na cistine’? Conas a thosaigh ollturasóireacht san Eoraip? Tugann turas fíorúil ar Áras Stair na hEorpa deis do réimse lucht féachana — idir chuairteoirí roimhe seo, an tsochaí shibhialta, múinteoirí, lucht acadúil agus díograiseoirí amaitéaracha staire — na ceisteanna sin agus níos mó a fhiosrú.
Roghnaigh ó thuras cróineolaíoch iomlán ar na háiléir, nó roghnaigh ceann amháin de cheithre thuras théamacha déag. Chun blaiseadh saibhir ábhar a chur ar fáil, tá scéalaíocht agus cur i láthair dinimiciúil ar an ardán ó fhoireann na gcoimeádaithe i spás an taispeántais, in éineacht le 1133 fhíseán, 3127 reacaireacht fuaime agus 251 íomhá ardtaifigh de réada ar taispeáint.
Turais théamacha
Conas an Turas Fíorúil a úsáid
Féach ar an bhfíseán seo ina dtugtar forléargas ar conas nascleanúint a dhéanamh timpeall ar an ardán Turas Fíorúil.
Úsáid saigheada ar chlé agus ar dheis ar do mhéarchlár, nó úsáid do luchóg chun cliceáil ar na saigheada chun bogadh go dtí an chéad suíomh eile sa mhúsaem. Is féidir físeáin a imirt ar scáileán iomlán nó mód ‘pictiúr i bpictiúr’.