Áras Stair na hEorpa a chruthú

Trí Áras Stair na hEorpa a chruthú, cuirtear an bóthar fada i dtreo chruthú ár músaem i láthair. Déanann daichead údar cur síos i 44 pháipéar ar an bpróiseas forbartha spéisiúil agus casta trí dhearcthaí gairmiúla agus pearsanta an-éagsúil. Cuireann siad síos ar smaointe agus dúshláin, uaillmhianta agus amhrais, bacainní agus réitigh.

Foilsíodh an leabhar seo chun comóradh a dhéanamh ar bhliain amháin ó osclaíodh Áras Stair na hEorpa, in éineacht leis an gcomhdháil ‘Europe Exposed’. Tá sé roinnte ina chúig chuid mar a mhínítear thíos.

• Béarla amháin
• ISBN 978-98-846-1972-6
• Sa chéad chuid, ‘Process’, léirítear an obair eagraíochtúil a rinneadh chun músaem nua a chruthú faoi scáth Pharlaimint na hEorpa.
• Tá an dara cuid, ‘Building’, tiomanta do stair agus d’athchóiriú an fhoirgnimh.
• Is é an tríú cuid, ‘Content’, an ceann is fairsinge, agus cuirtear i láthair scéal an taispeántais agus cuid de na réada tábhachtacha atá ann.
• Sa cheathrú cuid, ‘Production’ leagtar béim ar an obair chruthaitheach go léir a rinneadh roimh oscailt an mhúsaeim, ón dearadh go dtí an t-aistriúchán ar théacsanna go 24 theanga.
• Ar deireadh, baineann an cúigiú cuid, For-rochtain, leis an obair ullmhúcháin don chumarsáid, don fhoghlaim sa mhúsaem, agus don phleanáil do thaispeántais shealadacha.

Tá an leagan iomlán den leabhar ar fáil le híoslódáil anseo.