An t-athrú airgid is mó riamh — gníomhaíocht bailithe EUR

Tráth suntasach i stair an Aontais Eorpaigh ab ea tabhairt isteach an euro. Rinne Áras Stair na hEorpa gníomhaíocht leanúnach bailithe chun é sin a dhoiciméadú, ag obair leis an mBanc Ceannais Eorpach (BCE), le hinstitiúidí náisiúnta agus AE, agus le bailitheoirí príobháideacha.  Léiríonn na réada a fuarthas an t-athrú airgid is mó riamh, a raibh tionchar aige ar shaol laethúil na milliún saoránach in 12 Bhallstát den Aontas Eorpach

Bhí ionchais éagsúla ag muintir na hEorpa maidir leis an airgeadra coiteann a thabhairt isteach. I gcás daoine áirithe, is feabhas soiléir a bhí ann trí chobhsaíocht a chur ar fáil. I gcás daoine eile, d’fhág sé go raibh an baol ann nach mbeadh sé in ann luach a n-airgeadra a rialú go hiomlán a thuilleadh. Ar thaobh amháin, chonaiceamar euro atá cobhsaí den chuid is mó le fiche bliain anuas. Ar an taobh eile, bhí na difríochtaí idir feidhmíochtaí eacnamaíocha na mBallstát le feiceáil le linn ghéarchéim an limistéir euro, rud a chuir dlúthpháirtíocht, athléimneacht agus comhtháthú an Aontais faoi thástáil.

I measc na nithe a bailíodh tá ábhair fógraíochta agus foghlama, a raibh sé mar aidhm leo cabhrú le saoránaigh an limistéir euro eolas a chur ar an airgeadra nua, chomh maith le cuacha nótaí scriosta d’airgeadraí roimhe sin, boinn chomórtha agus tograí ó chomórtais deartha.

Cuireadh rogha de réada BCE ar taispeáint i Seomra Fables an mhúsaeim do chomóradh 20 bliain chúrsaíocht fhisiciúil an euro, agus tá cinn eile ar taispeáint ar an 5ú hurlár ‘Cloch míle de Lánpháirtiú na hEorpa’.