Tá sé ar cheann de mhisin Áras Stair na hEorpa chun réada a bhailiú agus chun forbairt an Aontais Eorpaigh (AE) agus institiúidí an Aontais a dhoiciméadú.
Dá réir sin, le linn earrach 2019, chuaigh coimeádaithe ón músaem i dteagmháil le hOifigí Idirchaidrimh Pharlaimint na hEorpa (EPLOnna) ó Bhallstáit AE agus, le faicsin pholaitiúla i bParlaimint na hEorpa chun tacú le hábhar a shainaithint agus a bhailiú i ndáil le toghcháin Pharlaimint na hEorpa in 2019. Bhí achainí ann freisin maidir le nithe tríthoiseacha, mar gheall ar an tionchar sonrach a bhí acu agus iad á dtaispeáint sa mhúsaem.
Chuir ionadaithe ó Oifigí Idirchaidrimh Pharlaimint na hEorpa agus ó ghrúpaí polaitiúla i bParlaimint na hEorpa réada ar fáil freisin ó thionscadail éagsúla a cruthaíodh i gcomhar le pobail agus scoileanna áitiúla. Tháinig roinnt réad freisin ó fheachtais na dtoghchán Eorpach roimhe seo.
Bhí suim ar leith ag coimeádaithe na nithe seo a leanas a fháil:
- ábhair fógraíochta ó fheachtas toghcháin 2019 lena n-áirítear póstaeir, bileoga, greamáin, bratainn, suaitheantais, giuirléidí, t-léinte, páipéir bhallóide.
- bunábhair phearsanta amhail meirgí agóide, gluaiseachtaí frith-AE, ábhair léirsithe agus tuilleadh nach iad.
Ar an iomlán, fuarthas níos mó ná 200 réad ó thromlach Bhallstáit an Aontais agus rinneadh cuid de Bhailiúchán Áras Stair na hEorpa díobh
